عجيبة يا مصر

لم يذكر السجن في القرآن الكريم الا مرة واحدة في مصر ( سورة يوسف).

في مصر فقط الاموات فقط ينفقون علي الاحياء ( الفراعنة) .

في مصر الشخص المتفوق يحصل في الثانوية العامة علي 50% ويتنطط بيهم عليك (دخل شرطة ).

في مصر يعبر الناس الطريق وهم ينظرون لااعلي ( بيبصوا علي رقم الاتوبيس ) .

في مصر تاخذ الحكمة من عربات السائقين مثل :

• ان باض الديك حاعديك
• ياسلام لو الناس تبطل كلام .
• للبيع علشان ترتاحوا .
• متبصليش بأيامة انا بجري علي يتامي .

في مصر الرجال فقط هم من يقفون امام محلات الملابس الداخلية للحريم .

في مصر فقط تجد اعمدة الانارة مطفأة ليلاً ومضاءه نهاراً .

في الافلام المصرية فقط تجد :

• الدنيا بتشتي في عز الصيف وخصوصا في مشاهد التغرير بالبطلة وهي لابسة صيفي والدنيا بتشتي ازاي .
• لقاء في اشارة المرور كافي بتغيير الاحداث .
• ممثلة فوق الستين تقوم بادوار الاغراء .
• ينتصر الحب وتتزوج البطلة بنت العائلة الكريمة من البطل ( الصعلوك البيئة)

في مصر فقط تنجح هذه الافلام .

في مصر تلاقي حاجات غريبة بتحصل في ماتشات الكورة :

• اول لما الكاميرا تيجي علي المتفرجين تصيبهم حالة هياج .
• اول لما يختفي صوت المعلق تعرف ان الجمهور ابتدي شتيمة .
• وانت قاعد بتتفرج علي الماتش تلاقي ابراهيم سعيد او ابراهيم حسن دابب صباعه في عينك .
• تلاقي الاعب بيمسح انفه في الفانلة .

.في مصر بس تلاقي السجن احسن من الوظيفة :

• في السجن اذا كنت ملتزماً تتم مكافأتك بتقلليل المدة اللي بتقضيها في الوظيفة اذا كنت ملتزماً يتم تكليفك بمزيد من العمل طبعا دون أي اجر اضافي .
• الالتحاق بالسجن ممكن في أي وقت بأرادتك وبمجهودك اما الالتحاق بوظيفة محتاج لواسطة في الاساس .
• في السجن يتم عزل الساديين وفي الوظيفة يتم ترقيتهم .
• في لسجن لديك فرصة للتوبة في أي وقت اما في الوظيفة متقدرتش تتوب قبل سن الستين .
• في السجن اذا وشيت بزميل ليك تصبح منبوذا اما في الوظيفة لو وشيت بزميل لك تترقي وتبقي مدير عليهم كلهم .
• في السجن تضرب الكبير يخاف الصغير وفي الوظيفة تضرب الصغير علشان تكسب الكبير .

في البيت المصري بس تسمع حاجات ليها العجب :

• مش عايز اسمع صوت وفي هذه الجملة تدريباً مبكراً علي تقبل القمع والديكتاتورية الذين ستواجهمها طول حياتك.
• ماتردش عليا ودي نصيحة اذا التزمت بها سوف تكسب مديرك في العمل .

النوم لحد الضهر بيجيب الفقر .

في مصر الناس بتتبسط من حاجات عجيبة :

• لما ماكينة atm تسحب فلوس بالغط اكتر من اللي الواحد طالبها .
• لما يلاقوا حد يخلص ليهم شهادة المخالفات .,
• لما القناه الاولي تذيع في السهرة فيلم جديد.
• لما حد ميعرفهمش يقول في حقهم كلمة حلوة .
• لما يلاقوا عرض مجاني في أي حتة .
• لما يلاقوا عقد عمل في دولة خليجية .
• لما يقضوا مهمتم بنجاح في أي مصلحة حكومية وباقل قدر ممكن من حرق الدم .
• لما الحكومة تطلع جدعة وتعترف بغلطها في حاجة عملتاه ودي حاجة نادرة نسبة ظهورها زي نسبة ظهور العنقاء والغول والخل الوفي .
• لما يقعدوا في مكان مليان بنات .
• لما يخشوا جمعية ويقبضوا اول ناس .
• لما يشوفوا شعبان عبد الرحيم.

وللحديث بقية .

بتصرف من كتاب شكلها باظت للكاتب عمر طاهر

عجائب نزار نبيل .