مجــــــــرد حــــــــــــالة
حاول تضحــــــــك يمكـــــــن الدنيــــــــا تضحـــــلك
يا دنيا يا بخيــلة
*
*
باقاوم بكل أحتمالي سوداك
وأحاول أعافر قساوة ولادك
وباعتالي ليلك وناسيني صبحك
وأشمعنى غيري بينعم بربحك
لكنك معايا بتبقي بخيلة
وبتلاقي حجة لمعاني بديلة
لغيري تقيدي صوابعك شموع
وانا كل ليلة تزورني الدموع
أنا موش شيطانك
دا أنا نبت منك وريحة غيطانك
ولسة شهادة ميلادي ف قرارك
وحتى أعترافك ماهوش راضي عني
وبارجو تاريخك مايسبقش سني
ويحسب عليا وجودي حياة
وانا بين غشاوة آه وآه
لامتى حقاوم يقلبي اللي آسف
على انه طيب
وعمره مافكر يعادي ولادك بعيد او قريب
لامتى حتبقي معايا فقيرة وشقيانة فيكي
واديكي وشي بتديني ضهرك
وماينوبني منك غير مرك وقهرك
*
*
مقطع من قصيدة يادنيا يابخيلة بديوان (أحتواني الأنتظار_ايمان أحمد يوسف
*
*
*
بــــــــــــاربي
4 comments:
حاسه انها ناقمه قوى
وشايفه نص الكوب الفارغ .. مع ان اكيد فى الكوب ولو نقطه ماء .. تستدعى الامل
دمتِ بخير
عالمي أزرق
موش ناقمة اوي ولا حاجـــة...مجرد حالـــة وبتمر
بس يللي بالكوب مرار موش مي..ربك رب قلوب
وما أضيق العيش لولا فســــــــحة الأمل
تحياتي لمرورك العطر
بـــــــــاربي
اشكرك على نقل هذه السطور التي اجدها عميقه ورائعه
ولكن ما لفت نظري هي العباره التي كتبتها قبل النقل وهي
حاول تضحك يمكن الدنيا تضحك لك
ذكرتني بعنوان فيلم اضحك الصورة تطلع حلوه
لطالما تسائلت هل فعلاً لو ضحكنا فقط لكي نلتقط صوره افضل يكون هذا كفيل بان يمحي ملامح الحزن منها ... ودائماً كنت اجد ان هذه الابتسامة على الصوره قد تشبة كثيراً ابتسامة الموناليزا الشهيره ... فهي تعطي قيمه جميله للصوره ولكن لا تخفي ابداً الحزن المرسوم على نظره عينيها وملامحها ... ياليت الابتسامه تمحو الحزن والاسى من قلوبنا فلا تتجسد على ملامحنا واعماقنا وترسم السعاده في دنيانا واقع
لو كده ليكي عليا ان الضحكه متفارقش شفايفي طول العمر
تضمني لي ؟؟
اهلا جنى
اولا بعتذر للتأخير
ثانيا اضمنلك فعلا انك اذا بتضحكي بتطلع اكيد الصورة حلوة
موش بيقولو كن جميلا ترى الدنيا جميلة
دي بالظبط نفس الفكرة اضحكي يمكن الدنيا تضحلك
وللعلم الضحك سلاح قوي فعلا بتستخدميه ضد الاعداء وضد الاحزان
ودايما بينقال اضحك بالوقت الذي يتوقع منك الجميع البكاء
يسعدني مرورك
باربي
Post a Comment